2006的感言

我依然認為今年是最豐收的一年
因為我學到我從來沒有學過

感謝各位容忍，包涵我這個 "顛婆"

我想
下一步，將會是充滿著驚喜
下一年，我也是充滿著期待

始終都係媽媽好！

咳咗幾日，訓到成隻死豬咁
今日阿媽叫我起身，仲買埋早餐俾我
一路食一咯孖我吹水
我吹我無錢，想去旅行，無錢但又想去旅行，仲想去長春
佢話我貪心，成日顧住玩，貪心顧住玩唔顧屋企，周圍去
無錢淨係返黎搵佢，後尾就俾咗一舊水俾我

啊...
"係澳門無錢係身出到街做野會驚，個人會浮，無信心，我借俾你架喳，你要還架。"
我戈刻無野講.....我食咗啖粥
"你食完碗粥食咗D西藥佢啦，降火架，要唔要撿多劑中藥呀？"
我戈刻無野講.....
"仲有，要唔要洗吓個枕頭套？"

我返入房，拎個枕頭套俾佢，將D錢放好，心裡就有D戚戚然。
我知我還唔到佢咁多，不過我可以還幾多呢？

我在此刻無所求!

呢幾日天氣都唔係好涷，但我D鼻水就快流到落下巴。
頂！
係桂林返咗黎都無一個星期已經覺得澳門好悶
你話人係咪賤？我已經又開始想去旅行
咁岩好，係好耐以前報咗做亞冬運既義工
諗住借D意去旅行，但一直都無反應
琴日，突然打個電話黎喎，同我講，話變咗做交流團
500蚊係吉林長春玩四日呀
我緊係仆去啦！仲駛諗咁多
不過我都仲係遲疑咗一陣，因為我老細，唉
後來我都係send咗，希望佢受我玩

有咩事戈時先算，我而家淨係想去旅行。
一顆想要出走的心！啊~

七年前既李小釩

大家仲記唔記得係小六定初一教美術既李小釩老師？

我超記得佢！唔知點解我對佢非常之有印象
佢都算風流倜儻既，而且有幾分才子氣質~
最記得係佢當年無端端係黑板到用粉筆畫咗幅好靚既帆船。
我仲記得有時候都會台山戈頭撞到佢，係盛記撞過佢同佢條女食糖水
佢而家應該係唔知邊間學校做緊阿sir~


今日上網，我竟然又撞到佢！
一看之下，原來佢係d大粒野！
唉，原來我地學校請咗大粒野都唔知，仲要趕人走
唔知化地瑪而家點？
好彩仲有我既洪miss.

佢而家係咁既樣

李小釩阿sir D勁野
http://www.macauart.net/Artist/ContentC.asp?cid=78&id=52

小七！FXXk !

唔好意思！我唔係講緊粗口！
呢位可愛胖胖的小妹既名真係叫小七
一講係起！我心中就盪起了無盡個FXXk!
感恩的FXXk!無奈的Fxxk!

係桂林呢程，佢簡直係我地三人既再生父母！
無咗佢，我地晨早已經訓咗街！
佢帶我地遊山玩水，睇兩江四湖，幫我地book咗間勁好既酒店，仲請我地食咗最貴既一餐
猛咁同我地爭俾錢！
佢無條件既付出，簡直係令我地負擔好重！
我諗我地係無辦法擺脫佢！即使我地有想擺脫佢既衝動。
但係佢知道我地既聯絡方法，加上又有一群既桂林姐妹在那邊跟我們施壓。
我地已經輸了！


以下係佢27/12 send俾我既email 內容﹕


偶一直没有时间开电脑，所以没有看见。。偶明天下午就出发去澳门了，没有时间弄那
个名字项链。。偶叫得运帮偶弄吧，到时候叫她写信给偶，把那东西放在信里面就好了
^_^，不过要等一段时间哦。。嗯。。你们没有去看印象刘三姐的东东吧。。偶买了
dise给你们，然后偶还带了辣椒酱，嗯，那时候你说要的。。偶答应了给你，但是那时
候偶恰巧不在桂林，无法给你。。心里一直遗憾。。知道你们平安就好了。。到时候澳
门见吧^_^。。你们不用接我什么的了。。偶到了澳门会给你们打电话的。。给你们东
西。。sorry啊，因为自己晚看了email害得不能马上帮你们弄那个链子。。小七惭愧
ing


Fxxk!

柳樹下小七的背影

呀！無扑一排！扑架好咗喎！

唉！等我同大家分享吓我D扑史先！

其實我係上上年！即係前年
己經比Joe！火星！更早用Blogger寫扑
但戈時Blogger仲未有d台灣Blog咁好用
但有個優點！
就係可以用html碼黎排扑！
想當年我玩到個扑扑出神入化！
比起其他台灣貨更好玩！
唔知Blogger仲有無沿用至今！
就快睇我仲有無花神玩啦！

扑扑！我又返黎啦

唉！不暪大家！
其實我都曾經扑過唔少野
但係，因為忙，忙，忙，加上懶懶懶！
戈個扑早已經荒廢咗好耐！
甚至係開唔返條link！
對唔住！扑扑！

從今日起！我要從身扑過！
我要講人知！我扑過野！我唔係扑界既處女！
Joe！牛牛！Kath！Milk！加我個扑啦！

多謝各位！掌聲鼓勵！