聲威

高中讀過紅樓夢，晨咁早已經見識過王熙鳳既"聲威"
但誓估唔到公司入邊都會有女人具有"聲威"
人未到聲先到
佢就係gine組既ginnie媽
把聲尖到行，就算係間房都唔駛驚全公司聽唔到佢講野
即使平日cythia發火狂鬧勁寸kenny 同 fanny
終於都唔及ginnie既風騷淫笑。

係長城區既排行榜，ginnie媽既長髮加上甜美既笑容
嫻淑既形象唔怪之得佢多保單到要上榮譽廊 - 傳說中最高保單既其中一位
但係自從徹底改變形象之後，一頭搪瓷既曲短髮
已經完全咁顯示出佢"辣子"既性格
又邪又奸，懶大方但老謀深算

今日ginnie媽同我地一眾秘書開會
佢既"威"的確唔野少，一開口，連一向大大聲聲既bella都突然斯文起黎
更加唔好講我地呢d新黎唔識野
個個都忌佢三分

可惜佢原來都係無效率既一類
開會開足兩個鐘都係只不過改正文件上既舊野
不停地講無做邊樣無做邊樣要罰錢
佢係到，當然唔敢有dead air，因為air未dead我地已經dead咗先....