唉，你話呢d係咪叫賤呀？

我係一個賤人
大拿拿二千蚊買咗部新機用咗無幾日
就因為我呢個白痴婆叉爆咗舊電
而家部機又廢咗
唉，好彩無燒到底板…=_=

近來都無咩特別事情發生
只係覺得時間真係過得快
咁又二月尾
聽日又三月

好快又到四月，其實點解時間可以咁唔夠用？
如果時間有得捐就好...
快d搵人捐d 俾我....呵呵

好，我又去寫稿...

有病呻吟

多謝各位關照，我露西仲未死
但係我得返半條命
我依然會努力，寫稿。

另外，特別鳴謝joe之橙汁，xxxx跟xxx的探病
我訓先

唔，好一個同學會

係既，身為招點雜誌既parttime記者，我應該要盡返個做記者既責任
同學會咁大件事，點可以唔報導吓呢

其實搞同學會唔係話搞就搞咁求其
搞要搞得make sense，logical，meaningful
要有purpose，goals 同mission
咁好彩，我地搵咗幾條八婆做到藉口搞
呢幾條八婆係台北台南返黎
d人一聽到，即刻請假既請假
放飛機既放飛機
可見即使係八婆，都係有一定既號召力

八婆一號

荷花租蔡，租，點解你要剪個咁既gap頭？
雖則我幾鐘意你底層既戈圈紅
不過gap始終都係gap


其餘戈幾個八婆因為照片不足，所以我就登幾張騎呢相賠罪，大家唔好客氣


gapline，呢d就係玩完人地部手機又唔del相既下場，其實都幾cute既，haha。

milk，點映都係gap架啦，發姣係無用架

呀，講返同學會先
妖，最衰都係要趕稿，我連星期日都要趕呀，頂
搞到連去飲茶都要遲到，真係好鬼無癮
不過好happy既係，大家都係真心想要出黎聚。
無心想聚既唔叫聚
個心諗其他既唔叫聚
無真心既唔叫聚
聚要講放，放個心出黎真心同返場舊同學思想連接
有思想連接即係坐係圓枱你講一句個個都聽到實

無心聽無心聚只會在坐係燒烤爐旁邊鋤大D
無心聽無心聚只知道咩都要計計計計同收錢

idol lee，我佩服你從來都無將同學當過同學。
三年對你黎講，簡直係連三小時三分鐘三秒都不如。
你做咩人，你識唔識做人？

時間過得快

其實我都唔算係好大
只不過係10+9 = 19 歲
都未到廿歲，講到盡
我仲係血氣方剛可以喪玩狂顛劈酒通宵達旦
仲係青春少艾十八廿二既年青人
追得起潮流唔老套沉氣

但今日聽我到我老豆同我阿媽食飯既時候突然講起
無線既電視劇、返工好攰，屋企個花籠要開始上返油
我就發覺

我後生，但係佢地已經老
有無數個十八廿二既年輕人係到養緊佢父母
我係到做咩？
我老豆話我有能力會供你讀，你應洗既錢我會俾你洗(STOP！先止聲明，我從來唔敗家，我發覺自從我係化地瑪畢業之後就係一直自己養自己)

佢地能夠付出既範圍變得愈黎愈細既時候
我都應該係時將我可以付出既能耐張得更大。